„იტალია მზად არის, აღადგინოს მარიუპოლის თეატრი“, - ამის შესახებ იტალიის კულტურის მინისტრი, დარიო ფრანსკინი სოციალურ ქსელში წერს.

მან აღნიშნა, რომ ყველა ქვეყნის თეატრი ეკუთვნის მთელ კაცობრიობასა და მსოფლიო მემკვიდრეობას ეკუთვნის.

„იტალია მზად არის, აღადგინოს მარიუპოლის თეატრი. მინისტრთა კაბინეტმა დაამტკიცა ჩემი წინადადება, უკრაინას შესთავაზოს რესურსები და საშუალებები მისი აღდგენისთვის, რაც შეიძლება მალე. ყველა ქვეყნის თეატრი ეკუთვნის მთელ კაცობრიობას, მსოფლიო მემკვიდრეობას“, - წერს ქვეყნის კულტურის მინისტრი „ტვიტერ“-ზე.