საბერძნეთის პრემიერ-მინისტრმა, კირიაკოს მიცოტაკისმა განაცხადა, რომ მისი ქვეყანა მზად არის, უკრაინის ქალაქ მარიუპოლში, დაბომბილი სამშობიარო საავადმყოფო აღადგინოს.

მისივე თქმით, მარიუპოლი, რომელიც „ბარბაროსობის“ სიმბოლოდ იქცა, საბერძნეთისთვის „ძვირფასია“.

„საბერძნეთი მზადაა, აღადგინოს სამშობიარო საავადმყოფო მარიუპოლში, უკრაინაში, ბერძნული უმცირესობის ცენტრი, ქალაქი, რომელიც ჩვენთვის ძვირფასია და ომის ბარბაროსობის სიმბოლოა“, - აღნიშნა კირიაკოს მიცოტაკისმა „ტვიტერ“-ზე.