რიკოთის უღელტეხილზე, მიწის მასის ჩამოშლის გამო, სამგზავრო ავტობუსი ავარიაში მოჰყვა. გავრცელებული ინფორმაციით, შემთხვევის ადგილზე, ერთ-ერთი უცხოური კომპანია სამშენებლო სამუშაოებს ახორციელებს.

რადიო „ათინათი“-ს ცნობით, მიწის მასა სწორედ იმ დროს ჩამოიშალა, როცა მგზავრებით დატვირული ტრანსპორტი თბილისიდან ზუგდიდის მიმართულებით გადაადგილდებოდა.

მძღოლმა საბოლოოდ, მანევრირება შეძლო, თუმცა ერთი ადამიანი, მაინც დაშავდა.

ამ დროისთვის, მგზავრები უსაფრთხო ადგილზე უკვე გადაიყვანეს და მათ ზუგდიდში ჩაყვანასაც უზრუნველყოფენ.