ამერიკის შეერთებული შტატების პრეზიდენტი, ჯო ბაიდენი რუსული ელიტის 400-ზე მეტ წარმომადგენელზე, მათ შორის კანონმდებელსა და თავდაცვის კომპანიაზე დამატებით სანქციებს აწესებს.

აღნიშნულთან დაკავშირებით, მან განაცხადა, რომ სანქციების ახალ პაკეტში მოხვედრილი პირები „კრემლის პოლიტიკიდან სარგებელს პირადად იღებენ, რის გამოც მათ ტკივილი უნდა გაიზიარონ“.

„უკრაინაში პუტინის რჩეული ომის საპასუხოდ, რუსული ელიტის 400-ზე მეტ წარმომადგენელზე - კანონმდებელსა და თავდაცვის კომპანიაზე დამატებით სანქციებს ვაცხადებ.

ისინი პირადად იღებენ სარგებელს კრემლის პოლიტიკიდან და მათ უნდა გაიზიარონ ტკივილი“, - წერს ჯო ბაიდენი „ტვიტერ“-ზე.