გერმანიის შინაგან საქმეთა სამინისტროს ცნობით, უკრაინაში მიმდინარე ომის გამო, ათასობით უკრაინელმა ლტოლვილმა თავი გერმანიას შეაფარა.

25 მარტის მდგომარეობით, გერმანიის პოლიციამ 253,157 უკრაინელი ლტოლვილი დაარეგისტრირა. პოლონეთსა და გერმანიას შორის სასაზღვრო შემოწმების არარსებობის გამო, ქვეყანაში გადასული ლტოლვილების რეალური რაოდენობა, შესაძლებელია მნიშვნელოვნად მაღალი იყოს. ამის შესახებ გერმანიის შინაგან საქმეთა სამინისტროს წარმომადგენელმა CNN-ს განუცხადა.

„გერმანიაში ჩასულ ლტოლვილთა უმრავლესობა ქალები, ბავშვები და მოხუცები არიან“, - აღნიშნა სამინისტროს ოფიციალურმა პირმა.