აშშ რუსეთის წინააღმდეგ სანქციებს აფართოებს - სანქციების სიაში შედის 13 ფიზიკური პირი და 21 ორგანიზაცია - აშშ-ის ხაზინის მონაცემებით, შეზღუდვები კიბერსივრცეში რუსეთის ქმედებებთან დაკავშირებით დაწესდა.

დეპარტამენტის განცხადებით, შეზღუდვები ეხება, კერძოდ, ტექნოლოგიურ კომპანიებს, რომლებიც მნიშვნელოვან როლს ასრულებენ სამხედრო სფეროში.

”რუსეთი არა მხოლოდ აგრძელებს უკრაინის სუვერენიტეტის დარღვევას თავისი არაპროვოცირებული აგრესიით, არამედ გააძლიერა თავდასხმები მშვიდობიან მოსახლეობაზე და დასახლებულ ტერიტორიებზე,” - თქვა აშშ-ს ხაზინის მდივანმა ჯანეტ იელენმა. - ”ჩვენ გავაგრძელებთ პუტინის ომის მანქანას ყველა მხრიდან სანქციებით. უაზრო ომი დასრულდება."

ამასთან, სახაზინო დეპარტამენტმა ირანის ბალისტიკური რაკეტის პროგრამაში ჩართულ მნიშვნელოვან პირებს პერსონალური სანქციები დაუწესა.

სანქციების დაწესება აშშ-მ რეგიონში ირანის მიერ მხარდაჭერილი სარაკეტო თავდასხმების შემდეგ გადაწყვიტა. 

ერაყში, ქურთების ავტონომიური რეგიონის დედაქალაქ ერბილში აშშ-ს საკონსულოს მიმართულებით, სულ მცირე, 12 ბალისტიკური რაკეტა ისროლეს. Reuters-თან საუბრისას აშშ-ს მთავრობის წარმომადგენელმა განაცხადა, რომ თავდასხმის უკან ირანი იდგა.

პარალელურად, ირანის მიერ მხარდაჭერილი იემენელი ჰუსიტები საუდის არაბეთსა და არაბეთის გაერთიანებული საამიროების ინფრასტრუქტურაზე თავდასხმებს ახორციელებენ.

სანქცირებულთა შორის მოხვდა ირანელი მეწარმე, მოჰამად ალი ჰოსეინი, რომლის კომპანიებიც ირანის რევოლუციის გუშაგთა კორპუსს ბალისტიკური რაკეტების კვლევისა და განვითარებისთვის შესაბამისი რესურსების შესყიდვას აფინანსებდა.