საქართველოს მესამე პრეზიდენტმა, მიხეილ სააკაშვილმა სასამართლოზე სიტყვით გამოსვლისას ლიეტუვას სეიმს, მისი დაუყოვნებლივ გადაყვანისთვის გაკეთებული განცხადებისთვის მადლობა გადაუხადა.

მისი თქმით, ის რომ უკრაინიდან საქართველოში სიტუაციის განრიდებისთვის ჩამოვიდა უსაფუძვლოა, რადგან შესაძლებლობის შემთხვაში ომში ფრონტის წინა ხაზზე იდგებოდა.

"საქმე იმაშია, რომ როდესაც საზღვრის გადაკვეთას ვეხებით, ვიღაც ჭკუათმყოფელს უთქვამს, რომ სააკაშვილი ჩამოვიდა საქართველოში იმიტომ, რომ განერიდა ომს უკრაინაში. მე ბევრი რამე გამოვიცანი ზუსტად, მაგრამ ამ ომის თარიღების ზუსტი გამოცნობა და წინასწარმეტყველება რომ შემძლებოდა, ახლა ვიქნებოდი ფრონტის წინა ხაზზე და არანაირად იქ, სადაც ვარ, ამ შუშის უკან. განრიდება რომ მდომოდა , ამერიკაშიც შემეძლო, ჰოლანდიაშიც და ბევრ სხვა ადგილას და არა 310-ე საკანში, სადაც ვიმყოფები. ამიტომ, როდესაც საუბარია ჩემს ჩამოსვლაზე , ჩამოვედი იმ მარშრუტით, რაც ყველაზე უსაფრთხო იყო ყველასთვის" - განაცხადა მიხეილ სააკაშვილმა.