ამერიკის შეერთებული შტატების პრეზიდენტმა, ჯო ბაიდენმა განაცხადა, რომ რომ რუსეთი შეიძლება იყოს იმაზე სუსტი, ვიდრე ჩანს და რეალურად მოსკოვმა ახლო აღმოსავლეთში საკუთარი ძალების შეფასებისას გადააჭარბა. ამის შესახებ საინფორმაციო სააგენტო Reuters იტყობინება.

სააგენტოს მიერ დასმულ კითხვაზე, თუ რატომ არ შეცვლილა პუტინი, რომელიც დასავლეთის  სანქციების მიუხედავად, ჯო ბაიდენმა განმარტა: „ის ვლადიმერ პუტინია“.

„ავტოკრატებს აქვთ უზარმაზარი ძალაუფლება და მათ არ უწევთ პასუხისგება საზოგადოების წინაშე.მას სურს გააგრძელოს დაწყებული საქმე,“- განაცხადა ჯო ბაიდენმა რუსეთის პრეზიდენტზე საუბრისას.

ამერიკის პრეზიდენტმა აღნიშნა, რომ რუსეთი, რომლის ეკონომიკაც ამერიკის ეკონომიკაზე 13-ჯერ მცირეა, არის უფრო სუსტი, ვიდრე ჩანს.