საქართველოში კორონავირუსის 92 ახალი შემთხვევა დადასტურდა, გარდაიცვალა 3 ადამიანი. - ამის შესახებ ინფორმაციას დაავადებათა კონტროლის ცენტრი ავრცელებს.

მათივე თქმით, დადებითობის დღიური მაჩვენებელი არის 1,37%, ბოლო 14 დღის მანძილზე — 1,20% ხოლო 7 დღის მანძილზე — 1,15%.

ბოლო 24 საათში ქვეყნის მასშტაბით ჩატარდა 6 708 კვლევა ტესტით, მათ შორის 5 261 კვლევა ანტიგენის ტესტით და 1 447 PCR ტესტით.

დღეს ქვეყანაში გამოვლენილი ინფიცირების 92 ახალი შემთხვევიდან ყველაზე მეტი 46 შემთხვევა თბილისში დაფიქსირდა. 

შეგახსენებთ, რომ პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 1 654 163-ს, გამოჯანმრთელებულთა რაოდენობა გაიზარდა 1 654 255-მდე, ხოლო პანდემიის გავრცელებიდან დღემდე ვირუსს ჯამში 16 800 პირი ემსხვერპლა.