ივნისში ყველაზე მეტი ვიზიტორი რუსეთიდან შემოვიდა - 90 239 მოქალაქე. - განაცხადეს ტურიზმის ეროვნული ადმინისტრაციის წარმომადგენლებმა.

მათივე თქმით, მეორე ადგილზე თურქეთია - 62 192 ვიზიტორით, რაც წინა წელთან შედარებით 110% ზრდაა.

"გასულ თვეში ქვეყანაში 387 781 საერთაშორისო ვიზიტორის ვიზიტი შედგა, რაც წინა წელთან შედარებით 164%-ით მეტია, თუმცა პანდემიამდელ პერიოდთან შედარებით ვიზიტორთა ეს ნაკადი 47%-ით ნაკლებია". - ნათქამია განცხადებაში.

შეგახენებთ, რომ რუსეთ-უკრაინის ომის შემდეგ საქართველოს მოქალაქეები ავრცელებდნენ პეტიციას, რომლითაც მოქალაქეები საქართველოს მთავრობას სთხოვდნენ ჩაკეტილიყო სივრცე რუსული თვითმფრინავებისა და გემებისთვის.