ანალიტიკოსები ვარაუდობენ, რომ ვლადიმერ პუტინი ბირთვული ესკალაციისთვის მზადაა, -  აღნიშნულ ინფორმაციას The Times ავრცელებს.

გამოცემის ცნობით, რუსეთის პრეზიდენტი საცდელ ბირთვულ აფეთქებას უკრაინის საზღვართან გეგმავს, რის შესახებაც ნატო-მ წევრი ქვეყნები უკვე გააფრთხილა.

"კრემლი აფიქსირებს მზადყოფნას მნიშვნელოვანი ესკალაციისთვის, რადგან რუსეთი კარგავს ადგილს ბრძოლის ველზე", - წერს გამოცემა. 

შეგახსენებთ, რომ 21 სექტემბერს, რუსეთის პრეზიდენტი მთელ მსოფლიოს ბირთვული იარაღით დაემუქრა. ვლადიმერ პუტინის თქმით, რუსეთი „გამოიყენებს ყველა შესაძლო საშუალებას, ეს ბლეფი არ არის“.