უკრაინის პირველი ლედი, ოლენა ზელენსკა ოკუპანტების მიერ ზაპოროჟიეს დაბომბვას ეხმაურება და რუსეთს ტერორისტულ სახელმწიფოს უწოდებს.

როგორც ზელენსკა "ტვიტერში" წერს, რუსეთი მშვიდობიანი მოსახლეობის მკვლელობით სისუსტეს აჩვენებს.

"მშვიდობიანი მოსახლეობის მკვლელობით რუსეთი თავის სისუსტეს აჩვენებს. ეჭვგარეშეა, რომ რუსეთი ტერორისტული სახელმწიფოა", - წერს ზელენსკა.

შეგახსენებთ, რუსმა ოკუპანტებმა ზაპოროჟიეზე სარაკეტო იერიში წუხელ მიიტანეს. თავდასხმას სულ მცირე 17 ადამიანი ემსხვერპლა, 49 პირი, მათ შორის 6 ბავშვი დაზიანებებით საავადმყოფოში გადაიყვანეს.