უკრაინის დედაქალაქ კიევში აფეთქებების ხმა გაისმა. ამის შესახებ ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს. 

როგორც კლიჩკომ „ტელეგრამზე“ დაწერა, რამდენიმე აფეთქება შევჩენკოვის რაიონში მოხდა.

"რამდენიმე აფეთქება შევჩენკოვის რაიონში - დედაქალაქის ცენტრში. ყველა სერვისი ადგილზეა. დეტალები მოგვიანებით", - წერს კლიჩკო. 

მედიის ინფორმაციით, დილით დედაქალაქში სულ მცირე 2 აფეთქება მოხდა.