რუსი ოკუპანტების მიერ კიევის ე.წ. კამიკაძე დრონებით დაბომბვის შედეგად 4 ადამიანი, მათ შორის ორსული დაიღუპა. აღნიშნულ ინფორმაციას უკრაინული მედია პრეზიდენტის ადმინისტრაციაზე დაყრდნობით ავრცელებს.

ადმინისტრაციის ცნობით, დაბომბვის შედეგად 4 ადამიანი დაშავდა. 

ამ დროისთვის მაშველებმა 19 ადამიანის გადარჩენა შეძლეს. 

შეგახსენებთ, ოკუპანტებმა კიევი დილის საათებში ე.წ. კამიკაძე დრონებით დაბომბეს. შევჩენკოს რაიონში მდებარე ერთ-ერთ საცხოვრებელ კორპუსში დაბომბვას აფეთქება მოჰყვა.

გარდა ამისა, თავდასხმა მოხდა კიევში რკინიგზის სადგურთან.