რუსეთის იერიშების შედეგად უკრაინის ელექტროსადგურების 30% განადგურდა, - ამის შესახებ უკრაინის პრეზიდენტმა, ვოლოდიმირ ზელენსკიმ Twitter-ზე დაწერა.

პრეზიდენტის განცხადებით, ოკუპანტ სახელმწიფოსთან "მოლაპარაკებისთვის სივრცე აღარ რჩება".

"რუსული ტერორისტული თავდასხმების კიდევ ერთი ტიპი: ენერგეტიკისა და კრიტიკული ინფრასტრუქტურის განადგურება. 10 ოქტომბრიდან განადგურდა ელექტროსადგურების 30%, რამაც მთელი ქვეყნის მასშტაბით ელექტროენერგიის გამორთვა გამოიწვია. პუტინის რეჟიმთან მოლაპარაკებისთვის სივრცე აღარ რჩება" - წერს ზელენსკი.

შეგახსენებთ, 10 ოქტომბრის შემდეგ, რუსეთის არმიამ უკრაინის ელექტროსადგურებზე რამდენიმე ფართომასშტაბიანი და მიზანმიმართული იერიში მიიტანა.