ვფიქრობ, ვლადიმერ პუტინი უკიდურესად რთულ მდგომარეობაში აღმოჩნდა, - ამის შესახებ ამერიკის შეერთებული შტატების პრეზიდენტმა, ჯო ბაიდენმა განაცხადა.

ბაიდენმა თეთრ სახლში ჟურნალისტებს უთხრა, რომ რუსეთის პრეზიდენტი ცდილობს, უკრაინას კაპიტულაცია აიძულოს.

"როგორც ჩანს, მისთვის ერთადერთი ხელმისაწვდომი ინსტრუმენტი უკრაინის მოქალაქეების მიმართ სასტიკი მოპყრობაა და მცდელობა, დააშინოს ისინი და აიძულოს კაპიტულაცია. ამას ისინი არ გააკეთებენ", - აცხადებს შეერთებული შტატების პრეზიდენტი.