უკრაინაში არის მშვიდობის შანსი, - ამის შესახებ საფრანგეთის პრეზიდენტმა, ემანუელ მაკრონმა განაცხადა.

როგორც მაკრონმა რომში გამართულ კონფერენციაზე თქვა, რუსეთთან სამშვიდობო შეთანხმება უკრაინის გადაწყვეტილებაზეა დამოკიდებული. 

„არის მშვიდობის პერსპექტივა, ის რაღაც მომენტში მოვა. და კონკრეტულ მომენტში, იმის გათვალისწინებით, თუ როგორ ვითარდება მოვლენები და როდესაც უკრაინელი ხალხი და მისი ლიდერები გადაწყვეტენ ამის პირობებს, სამშვიდობო შეთანხმება შეიძლება, დამყარდეს მეორე მხარესთან“, – განაცხადა ემანუელ მაკრონმა კონფერენციაზე, რომელიც მიზნად მსოფლიო მშვიდობის ხელშეწყობის გზების ძიებას ისახავდა.