ბრალდება იმის შესახებ, რომ უკრაინა "ბინძური ბომბების" გამოსაყენებლად ემზადება, აბსურდია, - ამის შესახებ ნატო-ს გენერალურმა მდივანმა, იენს სტოლტენბერგმა POLITICO-სთან განაცხადა.

სტოლტენბერგის თქმით, რუსეთი ადანაშაულებს სხვებს იმის კეთებაში, რის გაკეთებასაც თვითონ აპირებს.

"რუსეთმა არ უნდა გამოიყენოს ცრუ ბრალდებები ან პრეტენზიები, როგორც საბაბი უკრაინაში ომის შემდგომი ესკალაციისთვის”, - თქვა სტოლტენბერგმა.

ცნობისთვის, რუსეთი ამტკიცებს, რომ უკრაინა „ბინძური ბომბის“ გამოყენებას გეგმავს. ამის შესახებ თავდაცვის მინისტრი, სერგეი შოიგუ საფრანგეთის, თურქეთის, დიდი ბრიტანეთისა და  შეერთებული შტატების თავდაცვის მინისტრებს ესაუბრა.