ნება მომეცით შეგახსენოთ - რუსეთი უკრაინაში ყალბი საბაბით შემოიჭრა, - ამის შესახებ უკრაინის პრეზიდენტის ოფისის მრჩეველმა, მიხაილო პოდოლიაკმა განაცხადა.

როგორც პოდოლიაკმა "ტვიტერზე" დაწერა, იმის მიუხედავად, რომ რუსეთი უკრაინაში არაერთ სამხედრო დანაშაულს სჩადის, ეს კიდევ არ არის აღიარებული გენოციდად.

"ნება მომეცით შეგახსენოთ - რუსეთი უკრაინაში ყალბი საბაბით შემოიჭრა. ქალაქების დაბომბვა, ხალხის სიკვდილით დასჯა, სახლების ძარცვა, ოჯახების გაყოფა, წიგნების დაწვა, ინფრასტრუქტურის განადგურება. მათი პროპაგანდისტები რუსებს ბავშვების მკვლელობისკენ მოუწოდებენ. დაასახელეთ ერთი მიზეზი, რის გამოც ეს ჯერ კიდევ არ არის აღიარებული გენოციდად?" - თქვა პოდოლიაკმა.