უკრაინის აღდგენა დღესვე უნდა დაიწყოს, - ამის შესახებ უკრაინის პრემიერ-მინისტრმა, დენის შმიგალმა განაცხადა.

როგორც შმიგალმა "ტვიტერზე" დაწერა, ქვეყნის აღდგენაზე მუშაობა გამარჯვების გარანტიაა.

"უკრაინა ახორციელებს ლუგანოში შეთანხმებულ პრინციპებს. ჩვენ გვყავს ჩართული პარტნიორები და საზოგადოება აღდგენის გეგმაზე მუშაობაში. ჩვენ ვაგრძელებთ რეფორმებზე ფოკუსირებას და პროცესის გამჭვირვალობასა და ანგარიშვალდებულებაზე მუშაობას. მაგრამ აღდგენა დღესვე უნდა დაიწყოს. ეს გამარჯვების გარანტიაა", - აცხადებს შმიგალი.