ირანში ისლამური რევოლუციის გვარდიის კორპუსის ორი წარმომადგენელი მოკლეს,- აღნიშნულის შესახებ ინფორმაციას ირანული მედია ავრცელებს.

მედიის ცნობით, მოკლეს ისლამური რევოლუციის გვარდიის კორპუსის პოლკოვნიკი, მეჰდი მოლაშახიდა გენერალი ჯავად ქეიჰა.

მათივე ცნობით, ისინი ირანის ქალაქ ზაჰედანში,მანქანაში დახვრიტეს.

გავრცელებული ინფორმაციით, ინციდენტი მოჰყვა ირანის უსაფრთხოების ძალების სასტიკ დარბევას ზაჰედანში მომიტინგეების მიმართ, რომლებიც შეუერთდნენ ქვეყნის მასშტაბით ანტისამთავრობო საპროტესტო აქციებს, რომლებიც გამოწვეული იყო 22 წლის ქალის მაჰსა ამინის პატიმრობაში სიკვდილით.

გარდა ამისა, როგორც ირანულ გამოცემა Tasnim-ი წერს, დაღუპულები ასევე პასუხისმგებელნი არიან რუსეთის ფედერაციისთვის ირანული კამიკაძე-დრონების მიწოდებაზე.

ცნობისთვის, ზაფხულში რუსეთმა ათასობით საბრძოლო თვითმფრინავი Shahed-136 და Mohajer-6 თეირანისგან იყიდა, რომლებსაც უკრაინაში თავდასხმისთვის იყენებენ.

საპასუხოდ, უკრაინამ ირანის ელჩის აკრედიტაცია ჩამოართვა და კიევში ირანის საელჩო მნიშვნელოვნად შეამცირა. გარდა ამისა, უშიშროების სამსახურმა უპილოტო თვითმფრინავების მიწოდებასთან დაკავშირებით სისხლის სამართლის საქმე აღძრა.