მოსკოვის ცენტრში ძლიერი ხანძარია. "რია ნოვოსტის" ცნობით, კომსომოლსკაიას მოედანზე, რკინიგზის სადგურის მიმდებარედ, ორსართულიანი აგურის საწყობის შენობა იწვის.

რუსეთის საგანგებო სიტუაციების მართვის სამსახურში აცხადებენ, რომ ცეცხლი 2 500 კვადრატულ მეტრზეა გავრცელებული. 

შენობიდან 7 ადამიანის ევაკუაცია განხორციელდა. 

ხანძრის ლიკვიდაციაში 80 მეხანძრე-მაშველი, 20 ერთეული ტექნიკა, 3 ვერტმფრენი და სახანძრო მატარებელია ჩართული. 

რუსეთის რკინიგზის ინფორმაციით, მგზავრებსა და მატარებლების მოძრაობას საფრთხე არ ემუქრება.