ინდონეზიის კუნძულ იავაზე  5,6 მაგნიტუდის სიმძლავრის მიწისძვრა მოხდა. BBC-ის ცნობით, მიწისძვრას სულ მცირე 56 ადამიანი ემსხვერპლა, ასობით მოქალაქე კი, დაშავებულია. 

აშშ-ის გეოლოგიური სამსახურის მონაცემებით, მიწისძვრის ეპიცენტრი ქალაქ ციანჯურში, ათი კილომეტრის სიღრმეზე იყო.

სტიქიის ზონაში სამძებრო-სამაშველო ღინისძიებები მიმდინარეობს.

ოფიციალური პირები მსხვერპლთა რაოდენობის ზრდას არ გამორიცხავენ და მოსახლეობას განმეორებითი ბიძგების შესახებ აფრთხილებენ.

როგორც BBC წერს, ტერიტორია, სადაც მიწისძვრა მოხდა, მჭიდროდ არის დასახლებული და მიდრეკილია მეწყერისკენ.