რუსმა ოკუპანტებმა ხარკოვის ოლქის ქალაქი კუპიანსკი დაბომბეს. უკრაინული მედიის ცნობით, რუსულ თავდასხმას 2 ადამიანი ემსხვერპლა, 2 კი, დაშავდა.

დაბომბვის შედეგად პოლიკლინიკის შენობა და 9-სართულიანი საცხოვრებელი კორპუსი დაზიანდა.

„დაახლოებით, 07:40 საათზე ქალაქ კუპიანსკში დაბომბვა მოხდა. დაზიანდა 9-სართულიანი საცხოვრებელი კორპუსი და პოლიკლინიკის შენობა. სამწუხაროდ, დაიღუპა 2 ადამიანი - 55 წლის ქალი და 68 წლის მამაკაცი. ერთი მამაკაცი ჰოსპიტალიზირებულია, ერთს კი, მკურნალობა ადგილზე ჩაუტარდა“, - განაცხადა ხარკოვის რეგიონული სამხედრო ადმინისტრაციის უფროსმა, ოლეგ სინეგუბოვმა.