აშშ-ის ვირჯინიის შტატში, ქალაქ ჩესაპიკში, Walmart-ის სუპერმარკეტში შეიარაღებულმა პირმა 10-მდე ადამიანი მოკლა. აღნიშნულ ინფორმაციას ადგილობრივი პოლიცია ადასტურებს.

მედიის ცნობით, მამაკაცი, სავარაუდოდ, მაღაზიის მენეჯერი იყო, რომელმაც ცეცხლის გახსნის შემდეგ თავი მოიკლა.

თავდასხმის მოტივი ჯერჯერობით უცნობია. პოლიციამ ჟურნალისტებს განუცხადა, რომ თავდასხმა ადგილობრივი დროით 22:12 საათზე (03:12 GMT) მოხდა და ეჭვმიტანელი მარტო მოქმედებდა.