23 ნოემბერს რუსეთის სარაკეტო თავდასხმის შედეგად 10 ადამიანი დაიღუპა. - ამის შესახებ უკრაინის საგანგებო სიტუაციების სახელმწიფო სამსახურის პრესსპიკერმა, ალექსანდრე ხორუნჟიმ განაცხადა.

მისივე თქმით, სარაკეტო თავდასხმის შედეგად 55 ადამიანი დაშავდა.

" 23 ნოემბერს რუსეთის სარაკეტო თავდასხმის შედეგად 10 ადამიანი დაიღუპა, 55 კი - დაშავდა, ოკუპანტებმა სარაკეტო იერიში უკრაინის 8 რეგიონსა და ქალაქ კიევზე მიიტანეს. დაზიანებულია 36 ობიექტი. მათ შორის ენერგეტიკული ობიექტები, კერძო საცხოვრებელი კორპუსები, მრავალბინიანი საცხოვრებელი კორპუსები". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.