ჰავაის კუნძულებზე მსოფლიოში ყველაზე დიდი აქტიური ვულკანი - მაუნა ლოა ბოლო 40 წლის განმავლობაში პირველად ამოიფრქვა. აღნიშნულ ინფორმაციას BBC ავრცელებს.

მედია საგანგებო სიტუაციების სამსახურებზე დაყრდნობით იუწყება, რომ ევაკუაციის ბრძანება ჯერჯერობით არ გაცემულა, თუმცა მოსახლეობა მზადყოფნაშია.

აშშ-ს გეოლოგიურმა სამსახურმა (USGS) განაცხადა, რომ სიტუაცია შეიძლება სწრაფად შეიცვალოს.

მაუნა ლოა შტატის დიდ კუნძულზე, ჰავაის ვულკანების ეროვნულ პარკში მდებარეობს და მისი სიმაღლე 4 169 მეტრია. 

USGS-ის მონაცემებით, ვულკანი 1843 წლის შემდეგ 33-ჯერ ამოიფრქვა. ბოლო ამოფრქვევა 1984 წელს დაფიქსირდა.