ირაკი ღარიბაშვილი კათოლიკოს-პატრიარქ ილია II-ს შეხვდა და მდინარე იორდანეზე, ქართული კულტურის ცენტრის პროექტის პირველადი ვერსია წარუდგინა.  ამის შესახებ ინფორმაცია პრემიერ-მინისტრის "ფეისბუქის" ოფიციალურ გვერდზე ვრცელდება. 

მისივე თქმით, მაცხოვრის ნათლობის ადგილის მიმდებარედ, ქართული სავანის მშენებლობის პროექტზე მუშაობა აქტიურად მიმდინარეობს. 

"დღეს შევხვდი კათოლიკოს-პატრიარქს, უწმინდესსა და უნეტარეს ილია II-ს. 

ჩვენს პატრიარქს წმინდა მიწაზე, მდინარე იორდანეზე, ქართული კულტურის ცენტრის პროექტის პირველადი ვერსია წარვუდგინე და გავაცანი. მისმა უწმინდესობამ მისი მოსაზრებები გამიზიარა და პროექტზე ერთად ვიმსჯელეთ.

მაცხოვრის ნათლობის ადგილის მიმდებარედ, მდინარე იორდანესთან ქართული სავანის მშენებლობის პროექტზე მუშაობა აქტიურად მიმდინარეობს. მალე დავიწყებთ პროექტის შეთანხმების შესაბამის პროცედურებს, ხოლო მოგვიანებით, მშენებლობის ნებართვის მიღებისთანავე მშენებლობას",- წერს ღარიბაშვილი.