რუსეთში, ხაბაროვსკის მხარეში Golden Dragon-ის ავტობუსი ავტოავარიაში მოყვა. "რია ნოვოსტის" ცნობით, ავტოსაგზაო შემთხვევას 8 ადამიანის სიცოცხლე ემსხვერპლა, დაშავებულია 23 პირი.

როგორც რუსული პროპაგანდისტული მედია წერს, დილით ხაბაროვსკი-კომსომოლსკი-ამურის გზატკეცილზე, მძღოლმა, რომელსაც კომპანია Amur Minerals-ის მუშები გადაჰყავდა, საჭე ვერ დაიმორჩილა, შედეგად ავტობუსში თხრილში გადავარდა და ამობრუნდა.

დაშავებულები, რომელთა უმრავლესობას კიდურების მოტეხილობა და ტვინის შერყევა აღენიშნება, სამედიცინო დაწესებულებებში გადაიყვანეს.

შემთხვევის ადგილზე 2 სამაშველო ვერტმფრენი მუშაობს.