გერმანიის დედაქალაქ ბერლინში, Radisson Blu-ს ფოიეში, მსოფლიოში ყველაზე დიდი ცალკე მდგომი ცილინდრული ფორმის აკვარიუმი AquaDom-ი აფეთქდა. BBC-ის ინფორმაციით, შემთხვევის შედეგად, შუშის ნამსხვრევებით 2 ადამიანი დაშავდა. 

როგორც მედია წერს, სასტუმრო და მიმდებარე ქუჩები დაიტბორა, რის გამოც Radisson Blu-დან ხალხის ევაკუაცია განხორციელდა.

ბერლინის სახანძრო სამსახურის ცნობით, ადგილზე 100-ზე მეტი მაშველი მუშაობს. შემთხვევის გამომწვევი მიზეზი ამ დროისთვის უცნობია. 

აღსანიშნავია, რომ 14 მეტრი სიმაღლის აკვარიუმს, რომელიც მილიონ ლიტრ წყალს იტევდა და რომელშიც 1 500 ტროპიკული სახეობის თევზი ცხოვრობდა, რესტავრაცია 2 წლის წინ ჩაუტარდა.