საფრანგეთის ქალაქ ლიონის მახლობლად ერთ-ერთ კორპუსში გაჩენილ ხანძარს 10 ადამიანი,მათ შორის ხუთი ბავშვი ემსხვერპლა. ამის შესახებ ინფორმაციას ადგილობრივი ხელისუფლება ავრცელებს.

ოფიციალური პირების განცხადებაში ნათქვამია, რომ  ხანძარი ვოქს-ენ-ველინის გარეუბანში, შვიდ სართულიან კორპუსში გაჩნდა.

ოთხი ადამიანის მდგომარეობა მძიმეა, 15 კი მსუბუქად დაშავდა, მათ შორის ორი მეხანძრე.

ხანძარი უკვე ლიკვიდირებულია და პროკურატურა მის მიზეზებს იძიებს.