რუსეთის მასიური სარაკეტო დარტყმა უკრაინაზე პარასკევს, გარდა მშვიდობიანი მოსახლეობის და სამოქალაქო ინფრასტრუქტურის ყოველდღიური დაბომბვისა, კრემლის განურჩეველი ტერორის კიდევ ერთი მაგალითია. ამის შესახებ ევროკავშირის დიპლომატიის ხელმძღვანელმა ხოსეპ ბორელმა პარასკევს გაკეთებულ განცხადებაში განაცხადა.

მისივე თქმით,რუსეთის სასტიკი თავდასხმები მიზნად ისახავს უდანაშაულო მოქალაქეების ტანჯვის გაზრდას და კრიტიკული ინფრასრუქტურის განადგურებას.

„ეს სასტიკი, არაჰუმანური თავდასხმები მიზნად ისახავს ადამიანთა ტანჯვის გაზრდას და უკრაინის მოსახლეობის, ასევე საავადმყოფოების, სასწრაფო დახმარების და სხვა კრიტიკული ელექტროენერგიის, გათბობისა და წყლის მომსახურებების ჩამორთმევას“, - თქვა ბორელმა.