რუსმა ოკუპანტებმა დონეცკის ოლქის ქალაქი კურახოვო არტილერიით დაბომბეს. უკრაინული მედია დონეცკის ოლქის სამხედრო ადმინისტრაციის უფროსზე, პაველ კირილენკოზე დაყრდნობით იტყობინება, რომ დაშავებულია სულ მცირე ერთი ადამიანი. 

კურახოვოში საარტილერიო იერიშის შედეგად 2 5-სართულიანი შენობა და კერძო ავტომობილები დაზიანდა. 

„რუსებმა ქალაქის ცენტრს, დაახლოებით, 21:00 საათზე დაარტყეს. მათ, ალბათ, იცოდნენ, სად უმიზნებდნენ და ხვდებოდნენ, რომ მხოლოდ მშვიდობიანი მოსახლეობა დაზარალდებოდა", - ამბობს კირილენკო.

აღსანიშნავია, რომ კურახოვო რუსმა ოკუპანტებმა გასულ დღეებში რამდენჯერმე დაბომბეს.