"ერთიანი ნაციონალური მოძრაობის" წევრი დავით კირკიტაძე 8-დღიანი შიმშილობის შემდეგ ჰოსპიტალიზებულია. დეპუტატი, ჯანმრთელობის მდგომარეობის გაუარესების გამო, პარლამენტიდან გუშინ, გვიან ღამით საავადმყოფოში გადაიყვანეს.

 ენმ-ში აცხადებენ, რომ კირკიტაძე შიმშილობის გაგრძელებას, სავარაუდოდ, ვეღარ შეძლებს.

"წნევის მაჩვენებელი ჰქონდა ძალიან რთული და ექიმებმა მიიღეს გადაწყვეტილება მისი კლინიკაში გადაყვანის. გადაყვანილია "ნიუ ჰოსპიტალსში". შიმშილობის გაგრძელებას, ალბათ, ვერ შეძლებს", - ამბობენ პარტიაში.

ცნობისთვის, დავით კირკიტაძემ, ენმ-ის რამდენიმე წარმომადგენელთან ერთად, შიმშილობა საქართველოს მესამე პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის მოთხოვნით 15 დეკემბერს დაიწყო. მოშიმშილეებს მოგვიანებით დეპუტატი თემურ ჯანაშიაც შეუერთდა.