ბელარუსის პრეზიდენტმა, ალექსანდრე ლუკაშენკომ სრულიად საქართველოს კათოლიკოს-პატრიარქს, ილია მეორეს 90 წლის იუბილე მიულოცა.

ლუკაშენკომ მისალოც წერილში აღნიშნა, რომ ილია მეორეს სახელს უკავშირდება საქართველოში მართლმადიდებლობის ფართომასშტაბიანი აღორძინება და შენარჩუნება. 

“მრავალი წლის განმავლობაში დაუღალავად მსახურობთ უძველესი და ბრძნული ქრისტიანული იდეების დამტკიცების სფეროში. თქვენს სახელს უკავშირდება საქართველოში მართლმადიდებლობის ფართომასშტაბიანი აღორძინება და შენარჩუნება. თქვენ ამაყად ატარებთ ღვთის ჭეშმარიტ სიტყვას თქვენი მრევლის გულებში, რომელთაგან ათიათასობით თქვენი ნათლულია. თქვენი პირადი მაგალითით შთააგონებთ ყველა მორწმუნეს და ურწმუნოებს მოყვასის მიმართ მოწყალებას, კეთილ საქმეებსა და მოყვასის სიყვარულს. ღრმა პატივს ვცემ თქვენს მაღალ სამსახურს, მთელი გულით გისურვებთ მრავალ სულიერ და სხეულებრივ ძალებს მთავარპასტორალური მისიის შესრულებაში ეკლესიის და ქართველ ხალხის საკეთილდღეოდ”, - ნათქვამია ლუკაშენკოს მისალოც წერილში. 

სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს დღეს, 4 იანვარს 90 წელი შეუსრულდა.