ჩვენ არაფერი დაგვიკარგავს - წაგვართვეს, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

უკრაინის სახელმწიფოს მეთაურის თქმით, მსოფლიოს მშვიდობა არ დაუკარგავს, ის რუსეთმა გაანადგურა.

"ჩვენ არაფერი დაგვიკარგავს - წაგვართვეს. უკრაინას ვაჟები და ქალიშვილები არ დაუკარგავს - ისინი მკვლელებმა წაიყვანეს. უკრაინელებს სახლები არ დაუკარგავთ - ისინი ტერორისტებმა გაანადგურეს. ჩვენ არ დაგვიკარგავს ჩვენი მიწები - დამპყრობლები შემოიჭრნენ. მსოფლიოს მშვიდობა არ დაუკარგავს - რუსეთმა გაანადგურა", - წერს ზელენსკი "ფეისბუქის" საკუთარ გვერდზე.