პოლონეთი უკრაინას არა მხოლოდ Leopard 2-ის 14, არამედ  PT-91 Twardy-ს ტიპის 60 ერთეულ ტანკსაც გადასცემს.

ამის შესახებ უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა Telegram-ზე დაწერა.

„პოლონეთი უკრაინაში გამოგზავნის 60 ერთეულ PT-91 Twardy-ს ტანკს, ადრე გამოცხადებულ Leopard 2-ის ტიპის 14 ტანკთან ერთად“, - ამბობს ერმაკი და ქვეყანას აღნიშნული გადაწყვეტილების გამო მადლობას უხდის.

აღსანიშნავია, რომ უკრაინისთვის სამხედრო ტექნიკით დახმარებას აშშ, დიდი ბრიტანეთი და გერმანიაც გეგმავენ. 

საომარ მდგომარეობაში მყოფ ქვეყანას დიდი ბრიტანეთი 14 Challenger 2-ის ტანკს, გერმანია Leopard 2-ებს, ხოლო შეერთებული შტატები Abraams-ის 31 ტანკს გადასცემენ.