კვლევა ჩაატარა ერთმა გარკვეულმა ჯგუფმა და შეიძლება ამ ჯგუფის კვლევა არ ასახავდეს რეალურ მდგომარეობას, - ასე გამოეხმაურა საპატრიარქოს პროტოპრესვიტერი, გიორგი ზვიადაძე, ჩუბინიშვილის კვლევითი ცენტრის დასკვნას, რომლის მიხედვითაც, გელათის ტაძარი მიუხედავად რესტავრაციისა, სავალალო მდგომარეობაშია.

მისივე თქმით, ის არ იცნობს კვლევას, აქედან გამომდინარე აუცილებელია შეისწავლონ და გარკვეული მსჯელობის შემდგომ ჩამოაყალიბონ პოზიცია.

"კვლევა ჩაატარა ერთმა გარკვეულმა ჯგუფმა და შეიძლება ამ ჯგუფის კვლევა არ ასახავდეს რეალურ მდგომარეობას. მე ამ კვლევას არ ვიცნობ და ამის გამო მოგახსენებთ, რომ აუცილებელია ჩვენ შევისწავლოთ ეს კვლევა და გარკვეული მსჯელობის შედეგად ჩვენი პოზიცია ჩამოვაყალიბოთ", - განაცხადა გიორგი ზვიადაძემ.