არ ვფიქრობ, რომ ცალკეული შემთხვევა განსაზღვრავს ჩვენი ქვეყნის ევროპულ მომავალს, - ამის შესახებ საქართველოს პრეზიდენტმა, სალომე ზურაბიშვილმა მესამე პრეზიდენტის შეწყალების საკითხთან დაკავშირებით განაცხადა.

მიხეილ სააკაშვილის შეწყალების საკითხზე შეკითხვა პრეზიდენტს სააგენტო Bloomberg-მა დაუსვა.

"ზურაბიშვილი, რომელსაც აქვს უფლება შეიწყალოს ქვეყნის 2003 წლის პროევროპული "ვარდების რევოლუციის" ლიდერი, თავის გეგმებზე  კომენტარს არ აკეთებს. მისი თქმით, არ ფიქრობს, რომ „ინდივიდუალური შემთხვევა განსაზღვრავს ჩვენს ევროპულ მომავალს“, - წერს Bloomberg-ი.