ოპოზიციონერი ლიდერი კახა ოქრიაშვილი ეროვნულ-დემოკრატიული ინსტიტუტის კვლევის შედეგებს ეხმიანება და აცხადებს, რომ სიღარიბის დასანახად და მის მოსაგვარებლად პრობლემის ბოლომდე გააზრებაა საჭირო. 

"ისევ ეკონომიკაზე: NDI-ის კვლევებით, საქართველოს მოსახლეობის 20 % არის უმუშევარი. დასაქმებულების ჯამური რაოდენობის დაახლოებით 30 %-ს, თვიური შემოსავალი აქვს 500 ლარამდე, რაც არ შეიძლება ჩაითვალოს ღირსეულ ანაზღაურებად. ეს ხალხი, ფაქტობრივად, უფასოდ შრომობს. ისინი ვერ ჩაითვლებიან დასაქმებულებად. 

ეს მარტივი მათემატიკაა, მოსახლეობის ნახევარი უმუშევარია - აი, ეს არის სიმართლე!

პრობლემა სრულად უნდა გააშიშვლო და დაინახო მთელი სიღრმე, რომ შეძლო მისი უკეთესად მოგვარება!,- განაცხადა ოქრიაშვილმა.