გიორგი ჩალაძეს ეყოლება გუნდი,რომელიც აიღებს პასუხისმგებლობას ამ შტაბების ჩამოყალიბებაზე და გამართვაზე, შესაბამისად "ნაციონალური მოძრაობა" იღებს პასუხისმგებლობას დაეხმაროს გუნდს, ამ მიმართულების გააქტიურებაში, როგორც ქვეყნის შიგნით ისე ქვეყნის გარეთ, - ამის შესახებ "ნაციონალური მოძრაობის" თავმჯდომარემ, ლევან ხაბეიშვილმა განაცხადა.

მისივე თქმით, შტაბები იქნება ზეპარტიული და გაწევრიანება შეეძლება ყველას, ვისთვისაც მნიშვნელოვანია მესამე პრეზიდენტის, მიხეილ სააკაშვილის ჯანმრთელობის მდგომარეობა და ქვეყნის ევროპული მომავალი.

"კონსულტაციები იმართებოდა მხოლოდ ერთ კანდიდატთან და ეს იყო გიორგი ჩალაძე, რომელსაც ეყოლება გუნდი, რომელიც აიღებს პასუხისმგებლობას ამ შტაბების ჩამოყალიბებაზე და გამართვაზე, შესაბამისად "ნაციონალური მოძრაობა" იღებს პასუხისმგებლობას დაეხმაროს ლოჯისტიკაში, მათ შორის პარტიის საბიუჯეტო სახსრები მიმართოს ამ მიმართულებით და ხელი შეუწყოს, როგორც ქვეყნის შიგნით, ასევე ქვეყნის გარეთ ამ მიმართულების გააქტიურებას და შესაბამისად ჩემი პირველი გადაწყვეტილება იქნება ამ შტაბების ჩამოყალიბება, ეს იქნება ზეპარტიული და ამ შტაბში გაწევრიანება შეეძლება ყველა იმ ადამიანს ვისთვის მნიშვნელოვანია პრეზიდენტ მიხეილ სააკაშვილის ჯანმრთელობა და სიცოცხლე, ჩვენი ქვეყნის ევროპული მომავალი და შესაბამისად მე მინდა რომ წარმატება ვუსურვო ამ შტაბს "ნაციონალურ მოძრაობასთან ერთად", - განაცხადა ხაბეიშვილმა.