თურქეთში კიდევ ერთი 7.8 მაგნიტუდის სიმძლავრის მიწისძვრა მოხდა. აღნიშნული ინფორმაცია ცოტა ხნის წინ "ტელეგრამ-არხებზე" გავრცელდა.

არსებული ინფორმაციით, მიწისძვრის ეპიცენტრი ქვეყნის ცენტრალურ ნაწილში იყო.

შეგახსენებთ, მანამდე, ადგილობრივი დროით 04:17 საათზე, თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა 17,9 კმ სიღრმეზე ქალაქ გაზიანტეპთან დაფიქსირდა.

ბოლო მონაცემებით, თურქეთსა და სირიაში დაღუპულთა საერთო რაოდენობამ 1 200-ს გადააჭარბა. თურქეთის პრეზიდენტმა, რეჯეფ თაიფ ერდოღანმა განაცხადა, რომ  ქვეყანაში მიწისძვრას 912 ადამიანი ემსხვერპლა, დაშავებულთა რიცხვი კი სულ მცირე 5 383-ს შეადგენს. სირიის უახლესი შეფასებით, რომელსაც გაერთიანებულ სამეფოში დაფუძნებული ადამიანის უფლებათა სირიის ობსერვატორია აწარმოებს, დაღუპულია 320 ადამიანი.