გერმანიის მთავრობამ უკრაინისთვის 178 ერთეული Leopard 1-ის ტიპის ტანკის გადაცემის გადაწყვეტილება მიიღო. გერმანული მედიის ინფორმაციით, აღნიშნული გადაწყვეტილების შესახებ ეკონომიკისა და თავდაცვის სამინისტროებმა  გუშინ, 7 თებერვალს ბერლინში ერთობლივად განაცხადეს. 

გერმანიის თავდაცვის მინისტრმა, ბორის პისტორიუსმა კიევში მოულოდნელი ვიზიტის დროს თქვა, რომ ზაფხულისთვის უკრაინას 20-25, წლის ბოლომდე კი - 80-მდე ტანკი უნდა მიეწოდოს.

გერმანული მედიის ინფორმაციით, ბერლინის მიზანია, 2024 წლის პირველი ან მეორე კვარტლის განმავლობაში 100-ზე მეტი ტანკის გადაცემა, რაც სულ მცირე, სამი უკრაინული ბატალიონის აღჭურვას ნიშნავს.