თურქეთის რესპუბლიკაში საქართველოს საელჩოს დაუდასტურეს ქ. გაზიანტებში მიწისძვრის შედეგად საქართველოს მოქალაქის ი.პ. გარდაცვალების შესახებ.

დადასტურებული ინფორმაციით, თურქეთში მიწისძვრას საქართველოს 5 მოქალაქე ემსხვერპლა. 

თურქეთსა და სირიაში მიწისძვრის შედეგად დადასტურებულმა მსხვერპლთა რაოდენობამ 28 ათასს გადააჭარბა. ამის შესახებ რესპუბლიკის ჯანდაცვის სამინისტროში განაცხადეს. დეპარტამენტის ცნობით, 80 000-ზე მეტი ადამიანი დაშავდა. ეს მაჩვენებლები, ექსპერტების აზრით, გაიზრდება.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

სტიქიური მოვლენის  შემდეგ, თურქეთში 7 დღიანი გლოვაა გამოცხადებული, მთელი ქვეყნის მასშტაბით, ადმინისტრაციულ შენობებზე სახელმწიფო დროშები დაეშვა.