რუსმა ოკუპანტებმა დნეპროპეტროვსკის ოლქის ქალაქი ნიკოპოლი დაბომბეს. როგორც დნეპროპეტროვსკის სამხედრო ადმინისტრაციის ხელმძღვანელი სერგეი ლისაკი Telegram-ზე წერს, შემთხვევის შედეგად ერთი ადამიანი დაიღუპა.

მისივე თქმით, ასევე დაშავდა ერთი ადამიანი.

"მშვიდი ღამის შემდეგ, აგრესორმა ნიკოპოლი დაბომბა. დაღუპულია 53 წლის ქალი. ჭურვის ნამსხვრევების შედეგად, დაშავდა 83 წლის პენსიონერი", - წერს ლისაკი.

როგორც უკრაინული მედია იტყობინება, ქალაქში 4 მრავალსართულიანი სახლი, წყლის არხი და კოლეჯის შენობა დაზიანდა.