მოლდოვას რესპუბლიკის საჰაერო სივრცე უსაფრთხოების მიზნით მისი დახურვის გამოცხადებიდან დაახლოებით ერთი საათის შემდეგ გაიხსნა. ამის შესახებ ინფორმაციას მოლდოვური "რადიო თავისუფლების" რედაქცია ავრცელებს.

სამოქალაქო ავიაციის სამმართველოს ინფორმაციით, სივრცის დროებით დახურვის გადაწყვეტილება სამოქალაქო ავიაციის უსაფრთხოებისა უზრუნველსაყოფად იქნა მიღებული. 

დაწესებულებაში აზუსტებენ, რომ მოლდოვის დროით 14:47 საათზე საჰაერო სივრცე კვლავ გაიხსნა.

შეგახსენებთ, საჰაერო სივრცის დახურვის შესახებ ავიაკომპანია Air Moldova-მ ფეისბუქის გვერდზე დაახლოებით 1 საათის  წინ გამოაცხადა.