საქართველოში კიდევ ერთი მიწისძვრა დაფიქსირდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ცნობით, ქალაქ ოზურგეთთან 3 მაგნიტუდის სიმძლავრის მიწისძვრა მოხდა. 

მიწისქვეშა ბიძგების სიღრმემ 10 კილომეტრი შეადგინა, ხოლო მისი ეპიცენტრი ქალაქ ოზურგეთის - სამხრეთ-აღმოსავლეთით, სოფელ გომთან იყო.

პირველი მიწისძვრა დღეს, დილის 09:40 საათზე დაფიქსირდა. სეისმური მონიტორინგის ცენტრის ცნობით, კურორტ გომისმთაზე სიმძლავრემ 3.2 მაგნიტუდა შეადგინა.