იტალიაში მიგრანტების ნავის ჩაძირვის შედეგად 30-ზე მეტი ადამიანი, მათ შორის ერთი მცირეწლოვანი დაიღუპა. აღნიშნულ ინფორმაციას BBC ავრცელებს. 

იტალიის მეხანძრე-მაშველების ეროვნული დეპარტამენტი იტყობინება, რომ მაშველებმა 40 ადამიანის გადარჩენა მოახერხეს.

ნავი, რომელსაც 100-ზე მეტი მიგრანტი გადაჰყავდა, ქვეყნის სამხრეთით მდებარე კალაბრიის რეგიონში, უამინდობის გამო, კლდეს შეეჯახა.

საინფორმაციო სააგენტო Adnkronos-ის ცნობით, ნავს მიგრანტები ირანიდან, ავღანეთიდან და პაკისტანიდან გადაჰყავდა.