“დიდი შვიდეულის“ ქვეყნების ლიდერები რუსეთს ომის შეწყვეტისკენ და უკრაინის ტერიტორიიდან ჯარების გაყვანისკენ მოუწოდებენ.
განცხადებაში ნათქვამია, რომ რუსეთის უპასუხისმგებლო ბირთვული რიტორიკა მიუღებელია და რუსეთის მიერ ქიმიური, ბიოლოგიური, რადიოლოგიური ან ბირთვული იარაღის ნებისმიერ გამოყენებას მძიმე შედეგები მოჰყვება
“რუსეთმა დაიწყო ეს ომი და რუსეთს შეუძლია დაასრულოს ის. გასულ წელს რუსულმა ძალებმა ათასობით უკრაინელი მოკლეს. რუსეთმა გაანადგურა საავადმყოფოები, სკოლები, ენერგეტიკული და კრიტიკული ინფრასტრუქტურა და დატოვა ისტორიული ქალაქები ნანგრევებში. რუსული ძალებისგან გათავისუფლებულ რაიონებში არის მასობრივი საფლავების, სექსუალური ძალადობის, წამებისა და სხვა სისასტიკის მტკიცებულებები. ჩვენ მკაცრად ვგმობთ რუსეთის ყველა აღმაშფოთებელ ქმედებას. რუსეთის თავდასხმის ფონზე, უკრაინელები უფრო ერთიანები, ამაყები და მტკიცედ განწყობილნი არიან, ვიდრე ოდესმე
ჩვენ კვლავ ვაცხადებთ, რომ რუსეთის უპასუხისმგებლო ბირთვული რიტორიკა მიუღებელია და რუსეთის მიერ ქიმიური, ბიოლოგიური, რადიოლოგიური ან ბირთვული იარაღის ნებისმიერ გამოყენებას მძიმე შედეგები მოჰყვება“, - ნათქვამია განცხადებაში.
ხან წერთ, 9 აპრილს უცხო ძალა დაგვესხაო, ხან ხალ...
„ერთიანობა ნაციონალური მოძრაობის“ წ...
სიტუაცია საქართველოში არ არის ისეთი კარგი, როგო...
„ერთიანობა - ნაციონალური მოძრაობის“...
უცხოური გრანტის მიღებას მთავრობის ან მთავრობის ...
Mana press