ორკები ფრონტის ხაზის გასწვრივ, დეოკუპირებული დასახლებების დაბომბვას აგრძელებენ, - ამის შესახებ ლუგანსკის რეგიონული სამხედრო ადმინისტრაციის ხელმძღვანელმა, სერჰი ჰაიდაისმა განაცხადა.

მისივე თქმით, რუსები ბელგოროვკასა და კრემენაიას მიმართულებით წინსვლას ცდილობენ და მათ კარგად აქვთ გააზრებული, რომ იქ მშვიდობიანი მოსახლეობა იმყოფება.

მან დასძინა, რომ უკრაინა დასავლელ პარტნიორებთან მუშაობს სათანადო აღჭურვილობის მიწოდების საკითხზე, რათა უკრაინელმა მცველებმა მტრის შეტევების მოგერიება შეძლონ.

"რუსები ბელოგოროვკასა და კრემენაიას მიმართულებით წინსვლას ცდილობდნენ. ორკები ფრონტის ხაზის გასწვრივ, დეოკუპირებული დასახლებების დაბომბვას აგრძელებენ. იციან, რომ იქ მშვიდობიანი მოსახლეობაა", - განაცხადა ჰაიდაიმ.